Av øllum teim 35.300 fólkunum í Føroyum, ið eru í aldrinum 15 til 74 ár, eru umleið 30.000 í arbeiðsfjøldini, tað vil siga eru vinnuliga virkin. Uttan fyri vinnu eru um 5.300. Sostatt er vinnutíttleikin 85%, roknað fyri bæði kyn. Hjá monnum er vinnutíttleikin 87%, ið er nakað størri enn hjá kvinnum við 83%, men munurin er tó ikki so stórur sum í øðrum londum.
Tað eru sera stór tøl, og er vinnutíttleikin í Føroyum, altso arbeiðsfjøldin í % av fólkatalinum, tann størsti í Europa, við Íslandi eitt lítið vet aftanfyri.
Í arbeiðsfjøldini eru øll vinnuliga virkin, so sum løntakarar, sjálvstøðugt vinnurekandi og arbeiðsgevarar, arbeiðsleys, ið eru tøk at átaka sær arbeiði, og fólk, sum ólønt hjálpa til í familjufyritøku. Uttan fyri vinnu eru m.a. ungfólk, ið eru undir útbúgving burturav, fólk sum av sjúku, skerdum førleika ella øðrum ikki eru á arbeiðsmarknaðinum, ella fólk, ið eru farin av arbeiðsmarknaðinum, m.a. av aldri ella øðrum.
Føroyska arbeiðsfjøldin sera stór í mun til fólkatali
